Здароўе чалавека: як пазбегнуць гіпадынаміі
Паводле даных СААЗ, кожны чацвёрты чалавек на планеце вядзе маларухомы спосаб жыцця, што прыводзіць да гіпадынаміі*.
Гіпадынамія — адваротны бок прагрэсу, абумоўлены шэрагам фактараў:
павелічэннем колькасці гарадскога насельніцтва,
аўтаматызацыяй і механізацыяй працы,
павелічэннем ролі сродкаў камунікацыі (гаджэтаў).
Асноўныя меры прафілактыкі гіпадынаміі:
штодзённая фізічная актыўнасць (ранішняя зарадка, заняткі спортам);
павелічэнне часу на хадзьбу**: па лесвіцы (замест ліфта), некалькі прыпынкаў (замест паездак у транспарце),
прагулкі на свежым паветры (не менш як паўгадзіны ў дзень);
чаргаванне разумовай і фізічнай нагрузак.
*Гіпадынамія — парушэнне функцый арганізма (апорна-рухальнага апарату, кровазвароту, дыхання, стрававання), выкліканае сядзячым спосабам жыцця і абмежаваннем рухальнай актыўнасці.
**Уплыў хадзьбы на арганізм чалавека: 3 мін — зніжаецца крывяны ціск; 15 мін — зніжаецца ўзровень цукру ў крыві; 30 мін — дапамагае знізіць вагу (пры хуткім тэмпе).
Крыніцы: адкрытыя крыніцы.
