Волкаў: судоваму эксперту трэба ведаць сусветныя тэндэнцыі ў сваёй прафесіі
Аляксей Волкаў. Фота ДКСЭ
27 красавіка, Мінск . Судоваму эксперту неабходна ведаць сусветныя тэндэнцыі ў сваёй прафесіі, быць у курсе найноўшых навуковых распрацовак, заявіў старшыня Дзяржаўнага камітэта судовых экспертыз Аляксей Волкаў на ІІІ Міжнароднай навукова-практычнай канферэнцыі «Судовая экспертыза: тэорыя і практыка ў сучасных умовах», паведамілі БЕЛТА ў прэс-службе ДКСЭ.
Судовая экспертыза павінна быць гібкай і неадкладна рэагаваць на любыя змяненні ў нашым жыцці, упэўнены Аляксей Волкаў. «Ва ўмовах глабалізацыі з’яўляюцца новыя спосабы і сродкі ўчынення злачынных дзеянняў. Эфектыўна процістаяць гэтым з’явам магчыма шляхам аб’яднання нашых намаганняў. Менавіта таму судоваму эксперту неабходна трымаць руку на пульсе сусветных падзей у сваёй прафесіі, быць у курсе найноўшых навуковых распрацовак, на пастаяннай аснове весці дыялог з замежнымі калегамі», — адзначыў ён.
Паводле слоў Аляксея Волкава, Дзяржаўны камітэт заўсёды адкрыты для доўгатэрміновага плённага супрацоўніцтва, узаемнага абмену вынікамі даследаванняў, ведамі і меркаваннямі.
Старшыня ДКСЭ зачытаў адрасаванае ўдзельнікам канферэнцыі прывітальнае слова ад імя дзяржаўнага сакратара Савета бяспекі Беларусі Аляксандра Вальфовіча. У ім гаворыцца, што канферэнцыя мае важнае значэнне ў кантэксце каардынацыі падыходаў да вядзення судова-экспертнай дзейнасці, а таксама ў плане абмену практычным вопытам пры рэалізацыі адзінай дзяржаўнай палітыкі ў гэтай сферы. Паводле слоў Аляксандра Вальфовіча, Дзяржкамітэт займае значнае месца ў сістэме забеспячэння нацыянальнай бяспекі і ўносіць істотны ўклад у абарону правоў грамадзян і нацыянальных інтарэсаў краіны.
Канферэнцыя будзе праходзіць па 28 красавіка. У яе рабоце прымаюць удзел прадстаўнікі Расіі, В’етнама, Кітая, Азербаджайна, Арменіі, Індыі, Казахстана, Кыргызстана і Узбекістана.
На пленарным пасяджэнні адбылася дыскусійная пляцоўка, у якой прыняў удзел начальнік інфармацыйна-аналітычнага ўпраўлення Дзяржаўнага сакратарыята Савета бяспекі Беларусі Аляксей Банькоўскі. Абмяркоўваліся новыя падыходы пры распрацоўцы Канцэпцыі нацыянальнай бяспекі. Асаблівая ўвага была ўдзелена пытанню глабальнай геапалітычнай напружанасці, абмяркоўваўся бягучы стан нацыянальнай бяспекі, у тым ліку новыя выклікі і пагрозы.
У далейшых секцыйных пасяджэннях прымуць удзел спецыялісты, якія працуюць у сферы крыміналістыкі, судовай медыцыны, навуковыя супрацоўнікі. Эксперты абмяняюцца набытым вопытам арганізацыі і правядзення даследаванняў у сферы судова-медыцынскіх, судова-тэхнічных і іншых відаў экспертыз.
