Спартсмены «Сталіцы» прымуць БЧ у першым паўфінале чэмпіянату Беларусі па міні-футболе
Фота з архіва
10 мая, Мінск . На 34-м чэмпіянаце Беларусі па міні-футболе сёння стартуе паўфінальная стадыя,
У першым матчы серыі за выхад у фінал дзеючыя чэмпіёны краіны спартсмены «Сталіцы» прымуць у спартыўным комплексе «Уручча» гасцей з гомельскага клуба БЧ. Іх другая сустрэча адбудзецца 14 мая ў Гомелі, а 18 мая сапернікі зноў згуляюць у Мінску.
У другой пары за выхад у фінал таксама будуць сапернічаць мінчане і гамяльчане. Заўтра ў горадзе над Сожам згуляюць сярэбраны і бронзавы прызёры мінулага першынства ВРЗ і ФК «Мінск». 15 мая яны сустрэнуцца на пляцоўцы сталічнай каманды, а 19 мая вернуцца ў Гомель. Паўфінальныя серыі прадоўжацца да трох вікторый адной з каманд.
У мінулым сезоне спартсмены «Сталіцы» заваявалі сваё чацвёртае золата, атрымаўшы перамогу ў фінальнай серыі над ВРЗ. Уладальнікам бронзавых узгнагарод стаў ФК «Мінск», ён перамог «УУС-Дынама». Больш за ўсё чэмпіёнскіх тытулаў у актыве «Дарожніка», які шэсць разоў выйграваў залатыя медалі.
