Раннія яравыя ў Беларусі пасеялі амаль на 40 працэнтах плошчаў
Фота з архіва
Навіны сюжэта
«Пасяўная кампанія»
Беларускія аграрыі падрыхтавалі больш за палову плошчаў пад сяўбу сельгаскультур
Сяўбу ранніх яравых у Беларусі плануецца завяршыць да 25 красавіка
14 красавіка, Мінск . Раннія яравыя ў Беларусі пасеялі на 38,9 працэнта плошчаў, паведамілі ў Міністэрстве сельскай гаспадаркі і харчавання.
Па стане на 14 красавіка сяўба ранніх яравых збожжавых і зернебабовых культур (без кукурузы, грэчкі і проса) праведзена на плошчы 252,9 тыс. га, або 38,9 працэнта плана. У Брэсцкай вобласці сяўба праведзена на 82,9 працэнта запланаваных плошчаў, Віцебскай — 2,95 працэнта, Гомельскай — 38,3 працэнта, Гродзенскай — 82,1 працэнта, Мінскай — 34,5 працэнта, Магілёўскай — 12 працэнтаў. Таксама прадаўжаецца падрыхтоўка глебы пад сяўбу, падрыхтавана ўжо 355,6 тыс. га (54,7 працэнта плана).
Сяўба яравога рапсу праведзена на плошчы 1,04 тыс. га, або 2,23 працэнта да плана, лёну — 6,14 тыс. га, або 13,1 працэнта, цукровых буракоў — 11,8 тыс. га, або 11,6 працэнта, бульбы — 0,07 тыс. га, або 0,27 працэнта, кукурузы ўсяго — 1,67 тыс. га, або 0,15 працэнта. Кукурузы на зерне пасеяна 1,13 тыс. га, што складае 0,43 працэнта ад плана.
Раннія яравыя збожжавыя і зернебабовыя культуры ў бягучым годзе плануецца пасеяць на плошчы 650,4 тыс. га, кукурузу на зерне — на 265,3 тыс. га, бульбу — на 26,1 тыс. га, цукровыя буракі — на 101,7 тыс. га. Сельскагаспадарчыя арганізацыі, сялянскія (фермерскія) гаспадаркі павінны забяспечыць вытворчасць збожжа ў аб’ёме 8,877 млн т.
