Прыём у ВНУ на медыцынскія спецыяльнасці ў гэтым годзе павялічаны на 10 працэнтаў
Фота з архіва
18 красавіка, Мінск . Прыём у ВНУ на медыцынскія спецыяльнасці ў гэтым годзе павялічаны на 10 працэнтаў. Аб гэтым журналістам паведаміў першы намеснік міністра адукацыі Аляксандр Бахановіч,
«Калі гаварыць у разрэзе спецыяльнасцей, то прыём абітурыентаў у гэтым годзе павялічаны на медыцынскія (каля 10 працэнтаў) і асобныя педагагічныя спецыяльнасці, перш за ўсё фізіка-матэматычныя, а таксама дашкольнай і пачатковай адукацыі. Рост склаў каля 4 працэнтаў. Гэта звязана з тым, што гэтыя галіны адчуваюць пэўны дэфіцыт кадраў — медыцынскіх, педагагічных работнікаў. І пры планаванні і зацвярджэнні кантрольных лічбаў прыёму мы зыходзілі з гэтых патрэбнасцей», — расказаў Аляксандр Бахановіч.
Аднак ёсць і скарачэнні. «Скарочаны прыём абітурыентаў на эканамічныя і, скажам так, неактуальныя тэхніка-тэхналагічныя спецыяльнасці. Гэта звязана з развіццём нашых прамысловых галін і пераходам эканомікі ўжо на 5-ы і 6-ы тэхналагічныя ўклады. Гэтыя падыходы будуць з’яўляцца для нас асновай пры фарміраванні плана прыёму ў ВНУ і ў наступныя гады», — падкрэсліў першы намеснік міністра.
