Петрышэнка: да ўступнай кампаніі ў Беларусі ўсё гатова
Ігар Петрышэнка
26 красавіка, Мінск . Да ўступнай кампаніі ў Беларусі ўсё гатова. Аб гэтым журналістам расказаў намеснік прэм’ер-міністра Ігар Петрышэнка перад пасяджэннем дзяржкамісіі па кантролі за ходам падрыхтоўкі і правядзення ўступных іспытаў ва ўстановы адукацыі ў 2023 годзе,
«Да пачатку ўступнай кампаніі ў нашай краіне ўсё гатова. Падагульняючыя даклады заслуханы на камісіі. Вызначаны 144 пункты па ўсёй Беларусі. Кожны ведае сваю задачу на час правядзення ўступных іспытаў», — сказаў Ігар Петрышэнка.
У лютым — сакавіку прайшлі ўніверсітэцкія і рэспубліканскія этапы прадметных алімпіяд, пераможцы якіх атрымалі права на залічэнне ў ВНУ без іспытаў. З 14 па 21 мая, да заканчэння навучальнага года, пройдуць цэнтралізаваныя экзамены. Да 12 чэрвеня — залічэнне на мэтавую форму падрыхтоўкі. Неабавязковы экзамен у форме цэнтралізаванага тэсціравання, які патрэбны выпускнікам для паступлення ў профільную ВНУ, можна будзе здаць пасля 12 чэрвеня. Далей залічэнне ў ВНУ пройдзе ў тыя ж тэрміны, што і ў мінулым годзе.
