Мінсельгасхарч: тэмпы ранняй сяўбы выконваюцца, нягледзячы на няпростыя ўмовы надвор’я
Фота з архіва
Навіны сюжэта
«Пасяўная кампанія»
Раннія яравыя ў Беларусі пасеялі амаль на 40 працэнтах плошчаў
Беларускія аграрыі падрыхтавалі больш за палову плошчаў пад сяўбу сельгаскультур
17 красавіка, Мінск . Нягледзячы на няпростыя ўмовы надвор’я, у Беларусі выконваюцца зададзеныя тэмпы сяўбы ранніх яравых культур. Аб гэтым расказаў начальнік галоўнага ўпраўлення раслінаводства Міністэрства сельскай гаспадаркі і харчавання Мікалай Лешык.
«Ёсць ускладненні па нізіннай частцы Брэсцкай вобласці і некаторых частках Гомельскай, паколькі ў гэтых раёнах глеба схільна да залішняга пераўвільгатнення. Таксама зацягнуты тэрміны выканання работ у Магілёўскай і Віцебскай абласцях. Пры гэтым, нягледзячы на няпростыя ўмовы надвор’я, зададзены тэмпы сяўбы ранніх яравых мы выконваем. Цяпер штодзень сеем каля 20 тыс .га. Так, па стане на 17 красавіка сяўба ранніх яравых збожжавых і зернебабовых культур (без кукурузы, грэчкі і проса) праведзены на плошчы 317,2 тыс. га, што складае 48,8 працэнта плана», — сказаў Мікалай Лешык.
У Брэсцкай вобласці сяўба праведзена на 88,4 працэнта запланаваных плошчаў, Віцебскай — 10,6 працэнта, Гомельскай — 46,3 працэнта, Гродзенскай — 90,6 працэнта, Мінскай — 52,1 працэнта, Магілёўскай — 23,1 працэнта.
Паводле слоў начальніка галоўнага ўпраўлення раслінаводства Мінсельгасхарча, аналагічная сітуацыя складваецца з пасевам лёну, цукровых буракоў і кукурузы.
Раннія яравыя збожжавыя і зернебабовыя культуры ў бягучым годзе плануецца пасеяць на плошчы 650,4 тыс. га, кукурузу на зерне — на 265,3 тыс. га, бульбу — на 26,1 тыс. га, цукровыя буракі — на 101,7 тыс. га. Сельскагаспадарчыя арганізацыі, сялянскія (фермерскія) гаспадаркі павінны забяспечыць вытворчасць збожжа ў аб’ёме 8,877 млн т.
