Міжнародны конкурс беларускай паэзіі і песні пройдзе ў Маскве 18-19 красавіка
Фота з архіва
6 красавіка, Мінск . У Маскоўскім доме нацыянальнасцей (Расія) з 18 па 19 красавіка пройдзе II Міжнародны конкурс беларускай паэзіі і песні «В родных полях и в небе ясном / Все дышит дружбой, добротой…» (Якуб Колас), са спасылкай на Нацыянальны адукацыйны партал.
Да ўдзелу запрашаюцца вучні 1-11-х класаў агульнаадукацыйных школ, навучэнцы каледжаў, тэхнікумаў, студэнты з Расіі, Беларусі і іншых славянскіх краін. Удзел бясплатны. Форма правядзення мерапрыемства — вочная, завочная, анлайн.
Конкурс адбудзецца ў чатырох намінацыях: «Мастацкае чытанне», «Выкананне беларускіх песень» (народных і песень сучасных кампазітараў), «Творчыя пісьмовыя работы», «Дзіцячы малюнак» — дапускаюцца ілюстрацыі да беларускіх народных казак, празаічных і паэтычных твораў беларускіх аўтараў, прырода і пейзажы Беларусі, беларускі фальклор, архітэктурныя ансамблі і помнікі беларускай гісторыі, а таксама руска-беларуская дружба. Апошнія дзве намінацыі пройдуць у завочным фармаце.
Мерапрыемства праводзіцца ў рамках міжнароднага праекта «Славянскі вянок: гістарычнае і культурнае адзінства славянскіх народаў» з мэтай развіцця цікавасці да паэтычнай, празаічнай і песеннай творчасці беларускага народа, а таксама да помнікаў культурнай спадчыны Беларусі. Арганізатарамі конкурсу выступілі Маскоўскі дом нацыянальнасцей, Інстытут моў і культур імя Льва Талстога (Расія), Міжнародны славянскі цэнтр «Сугучча» пры падтрымцы пасольства Беларусі ў Расіі.
Заяўкі і работы неабходна падаць да 10 красавіка. Лепшыя работы будуць апублікаваны ў штомесячным беларускім часопісе для дзяцей і падлеткаў «Качели», а таксама ўвойдуць у зборнік творчых работ удзельнікаў праекта «Славянскі вянок».
