Лукашэнка сустрэўся з прэзідэнтам Федэрацыі тэніса Расіі Тарпішчавым
У час сустрэчы
13 красавіка, Мінск . Прэзідэнт Беларусі Аляксандр Лукашэнка сустрэўся з прэзідэнтам Федэрацыі тэніса Расіі Шамілем Тарпішчавым,
«Даўно мы не бачыліся, цэлую вечнасць», — заўважыў кіраўнік дзяржавы, вітаючы Шаміля Тарпішчава, які ў свой час дапамагаў Аляксандру Лукашэнку вучыцца гульні ў тэніс. «Гэта мой настаўнік па тэнісе», — дадаў Прэзідэнт.
«Я раўняўся толькі на вас. Таму я вучань», — парыраваў Шаміль Тарпішчаў.
«Не-не, і Ельцына навучыў у тэніс гуляць, і мяне заадно, — адказаў беларускі лідар. — Я адзін час нядрэнна асвоіў тэніс. Але вельмі цяжкі від спорту, самы цяжкі, мне здаецца. Там і мазгі ў парадку павінны быць, і фізічна павінен (быць развіты ігрок. — Заўвага )… І самы траўматычны (від спорту. — Заўвага ). Але тэніс — гэта справа добрая, вельмі добрая».
Аляксандр Лукашэнка расказаў, што, даведаўшыся аб маючай адбыцца сустрэчы з Шамілем Тарпішчавым, вырашыў для сябе аднавіць заняткі тэнісам: «Я калі ў графіку паглядзеў, што мы з табой сустрэнемся, падумаў: трэба тэрмінова выйсці на корт і пачынаць гуляць у тэніс. Ужо так кідацца на мяч не буду, але пакрыху аднаўлюся».
«Няхай іншыя бегаюць», — пажартаваў кіраўнік Федэрацыі тэніса Расіі. У падарунак Прэзідэнту Беларусі ён перадаў сваю кнігу «Стрэс нараджае чэмпіёнаў. Загадкі псіхалогіі», у якой ён расказвае аб характэрных, а часам і ўнікальных прыкладах таго, як псіхалагічны стан прымушае нават падрыхтаванага спартсмена здаваць выйграныя пазіцыі або наадварот, паспяхова выйсці са, здавалася б, безнадзейнай сітуацыі. «Чатырнаццаць прыкладаў крытычных разглядаюць трэнер і псіхолаг», — растлумачыў аўтар. Цяпер ён піша працяг, паколькі, паводле яго слоў, кніга разышлася адразу. Прэзідэнт адказаў, што знаёмы з кнігай і лічыць вельмі актуальнай, цікавай і важнай выбраную аўтарам тэму.
Як расказаў кіраўнік Федэрацыі тэніса журналістам пасля сустрэчы, размова з кіраўніком беларускай дзяржавы датычылася бягучага стану спраў у тэнісе як у разрэзе спаборніцтваў на дамашніх пляцоўках, так і на міжнародных арэнах. «Абмяркоўвалі перш за ўсё тэнісныя справы нашы і ў свеце. Калі цяпер узяць вынікі беларускіх і расійскіх тэнісістаў, то мы сумарна мацнейшыя ў свеце, таму што выйгралі практычна ўсё», — звярнуў увагу кіраўнік Федэрацыі тэніса.
Гучала таксама тэма падтрымкі і развіцця дзіцяча-юнацкага спорту і перапрацоўкі календара правядзення спаборніцтваў і збораў з улікам сітуацыі ў спорце вакол Беларусі і Расіі. Акцэнт зрабілі на дружалюбных краінах. «Цікавасць больш у тым, каб не страціць тыя сістэму і методыку, якія ў нас склаліся. У нас адны і тыя ж трэнеры (яшчэ з Савецкага Саюза), адна і тая ж школа, адно і тое ж разуменне класічнага тэніса, — сказаў Шаміль Тарпішчаў. — Каб падтрымаць дзяцей ад 12 да 19 гадоў, бліжэйшыя рэзервы, каб яны не выпалі з арбіты. Адпаведна мы аб’ядналіся на сумесных спаборніцтвах і зборах».
Кіраўнік федэрацыі падкрэсліў, што гаварыць з Прэзідэнтам Беларусі пра спорт і дасягаць узаемаразумення вельмі лёгка, таму што Аляксандр Лукашэнка «акрамя таго, што выдатны чалавек, ён яшчэ і добры спецыяліст па ўсіх відах спорту, таму што сам зацікаўлены спартсмен». «Таму ў нас ніякіх праблем няма. Думаю, у тэнісе мы не правалімся. У нас зорачак шмат. Па сістэме падрыхтоўкі і метадалогіі ў такі складаны час у нас у тэнісе не горш, а можа, нават і лепш (чым у іншых відах спорту. — Заўвага ). Гэта радуе», — падкрэсліў Шаміль Тарпішчаў.
Паводле яго слоў, для папулярызацыі тэніса федэрацыі рэгулярна праводзяць аматарскія турніры. Адзін з іх пройдзе 15-16 красавіка ў Мінску ў Палацы тэніса Рэспубліканскага цэнтра алімпійскай падрыхтоўкі. Турнір на Кубак пасольства Расіі ў Беларусі будзе прысвечаны Дню яднання народаў дзвюх краін. Яго ўдзельнікамі стануць 16 пар тэнісістаў (па восем ад расійскага і беларускага боку), сярод якіх вядомыя палітыкі, прадстаўнікі бізнесу, грамадскія дзеячы.
Шаміль Тарпішчаў упэўнены, што правядзенне такіх спаборніцтваў дае дадатковы імпульс развіццю тэніса ў рэгіёнах і даказвае, што ў гэтым відзе спорту могуць праявіць сябе людзі абсалютна розных узростаў.
