КДБ Беларусі прадухіліў спробы ўчынення тэрактаў напярэдадні 9 Мая
Фота з архіва
9 мая, Мінск . КДБ Беларусі прадухіліў спробы ўчынення тэрактаў напярэдадні 9 Мая. Аб гэтым заявіў журналістам старшыня КДБ Іван Тэртэль, .
Кіраўнік ведамства расказаў, што 10 мая плануецца абнародаваць інфармацыю аб адпаведных фактах. «Гэтыя падзеі былі звязаны, паводле нашых ацэнак, з 9 Мая. Спроба ўскалыхнуць сітуацыю. Кіраўнік дзяржавы ў курсе гэтых момантаў. Мы затрымалі пэўную колькасць асоб, якія рыхтаваліся да ўчынення тэрактаў. І ведаем, што за гэтым стаяць спецслужбы. Я не хачу поўнасцю адкрываць сёння. Заўтра мы пастараемся ўсё сказаць», — заявіў Іван Тэртэль.
«Гэта былі спробы арганізацыі тэрактаў на нашай тэрыторыі. І мы лічым, што гэта было прывязана менавіта да Дня Перамогі», — падкрэсліў кіраўнік КДБ.
Ён адзначыў важнасць пільнасці грамадзян, без якой работа любой спецслужбы будзе не такой эфектыўнай. «Заўтра ў анансаваным сюжэце будзе паказана, калі нашу моладзь, нашых студэнтаў спрабуюць уцягнуць ва ўчыненне тэрактаў. Часам людзі не ўсведамляюць, што дзейнічаюць недзе на грані закону. На самай справе яны ўступілі ўжо амаль у пекла», — сказаў Іван Тэртэль.
«Сітуацыя ў свеце цяпер вельмі і вельмі неспакойная. Мы чакаем эскалацыі абстаноўкі вакол нашай краіны. Працуем па даручэнні Прэзідэнта над тым, каб не адбылося нічога, што магло б парушыць спакой нашых грамадзян. Робіцца для гэтага ўсё неабходнае», — запэўніў кіраўнік КДБ.
Гэта работа вядзецца ў тым ліку сумесна з МУС і Дзяржпагранкамітэтам. Узмоцнена работа на дзяржграніцы. Гэта мера папераджальнага характару.
