Карпенка прымае ўдзел у назіранні за ходам канстытуцыйнага рэферэндуму ва Узбекістане
Ташкент
28 красавіка, Мінск . Старшыня ЦВК Беларусі Ігар Карпенка прымае ўдзел у назіранні за ходам правядзення рэферэндуму па праекце Канстытуцыйнага закона Рэспублікі Узбекістан «Аб Канстытуцыі Рэспублікі Узбекістан»,
Па хадайніцтве ЦВК Беларусі ў склад місіі наглядальнікаў ад СНД таксама ўвайшлі намеснікі старшынь Гомельскага і Брэсцкага аблвыканкамаў, курыруючыя пытанні сацыяльнай сферы.
У Ташкенце Ігар Карпенка сустрэнецца з кіраўніцтвам ЦВК Узбекістана, азнаёміцца з дзейнасцю вучэбнага цэнтра па выбарчым заканадаўстве і сучасных тэхналогіях, наведае ўчасткі для галасавання ў мэтах аб’ектыўнага назірання за ходам падрыхтоўкі і правядзення канстытуцыйнага рэферэндуму.
У час паездкі таксама будуць абмяркоўвацца пытанні беларуска-ўзбекскіх адносін у сферы адукацыі. Так, сёння старшыня ЦВК Беларусі сустрэўся з міністрам вышэйшай адукацыі, навукі і інавацый Узбекістана Ібрахімам Абдурахмонавым.
«Мы ўжо ўражаны тым, як ідзе падрыхтоўка і правядзенне рэферэндуму. Мы азнаёміліся з матэрыяламі, тымі змяненнямі, якія ўнесены ў Канстытуцыю. Уражаны той інфармацыйнай работай, якая праводзіцца цяпер па давядзенні да грамадскасці навацый Канстытуцыі», — адзначыў Ігар Карпенка.
Кіраўнік ЦВК перадаў Ібрахіму Абдурахмонаву пісьмо ад міністра адукацыі Беларусі Андрэя Іванца з запрашэннем наведаць Мінск. «Ён гатовы таксама наведаць Узбекістан. Лічу, што гэта будзе правільна, калі міністры сустрэнуцца ў Мінску і Ташкенце. Гэта будзе на карысць нашым народам і краінам», — дадаў Ігар Карпенка.
Як чакаецца, кіраўнік ЦВК таксама сустрэнецца з кіраўніцтвам дашкольнай і школьнай адукацыі Узбекістана, наведае ўстановы вышэйшай адукацыі.
Рэферэндум па прыняцці новай Канстытуцыі пройдзе ва Узбекістане 30 красавіка.
