Багданаў: стараемся аператыўна рэагаваць на ўзнікаючыя выклікі
Аляксей Багданаў. Фота з архіва
27 красавіка, Мінск . Стараемся аператыўна рэагаваць на ўзнікаючыя выклікі. Аб гэтым заявіў міністр антыманапольнага рэгулявання і гандлю Аляксей Багданаў у час ХХ Асамблеі дзелавых колаў Беларусі, якая праходзіць у Мінску,
«Міністэрства антыманапольнага рэгулявання і гандлю даволі сур’ёзна ўплывае на эканамічнае асяроддзе, прымаючы тыя ці іншыя рашэнні. Сёння ў свеце склалася няпростая геапалітычная сітуацыя. Эканамічнае асяроддзе парушана, пачынаючы з пандэмічных часоў. Затым наклаліся санкцыі. Мы стараемся аператыўна рэагаваць на ўзнікаючыя выклікі для нашай краіны, Саюзнай дзяржавы, Еўразійскай эканамічнай прасторы і ў цэлым таго блока краін, якія процістаяць калектыўнаму Захаду», — сказаў Аляксей Багданаў.
Паводле яго слоў, у мінулым годзе прымаліся няпростыя рашэнні. «Цэнавае рэгуляванне для любога бізнесу — не зусім прыемны момант. Аднак у бягучай абстаноўцы іншага варыянта ўтрымаць інфляцыйныя працэсы, захаваць даступнымі цэны на тавары няма. Прынятыя пастановы працуюць. Мы прадаўжаем іх удасканальваць. Пры МАРГ створаны экспертны савет, куды мы ўключылі спецыялістаў з розных ведамстваў. Ён займаецца распрацоўкай альтэрнатыўных механізмаў дзеючаму цэнаваму рэгуляванню», — адзначыў міністр.
ХХ Асамблея дзелавых колаў Беларусі праходзіць у Нацыянальнай бібліятэцы ў Мінску. Яна з’яўляецца адным з важнейшых мерапрыемстваў, якое традыцыйна праводзіцца з нязменнай прыхільнасцю да выканання нацыянальных інтарэсаў і аптымізацыі канструктыўнага дыялогу ўлады, бізнесу і грамадзянскай супольнасці. Удзельнікі асамблеі разглядаюць актуальныя пытанні і прыярытэтныя напрамкі развіцця прадпрымальніцтва ў Беларусі.
У рамках асамблеі пройдзе ўрачыстая цырымонія ўзнагароджвання пераможцаў 15-га рэспубліканскага конкурсу «Лепшы горад (раён, вобласць) для бізнесу Беларусі». У рамках конкурсу заснавана спецыяльная намінацыя «За лепшае асвятленне тэмы прадпрымальніцтва ў СМІ». Акрамя таго, адбудзецца падвядзенне вынікаў вымярэння 18-га індэкса дзелавога аптымізму і дарожнай карты айчыннага прадпрымальніцтва, а таксама зацвярджэнне Нацыянальнай платформы бізнесу Беларусі «Партнёрства дзяржавы, бізнесу і грамадства ва ўмовах новых выклікаў».
