Арына Сабаленка стартуе на турніры WTA-1000 у Мадрыдзе
Фота Unsplash
27 красавіка, Мінск . Лепшая беларуская тэнісістка Арына Сабаленка сёння пачне выступленне на буйным турніры катэгорыі WTA-1000 у Мадрыдзе з прызавым фондам $7,6 млн,
У 1/32 фіналу другая ракетка свету сустрэнецца з румынскай тэнісісткай Саранай Кырсцяй, якая займае 44-е месца ў сусветным рэйтынгу. У 2021 годзе Арына Сабаленка стала пераможцай мадрыдскага турніру.
Учора яшчэ адна беларуска Аляксандра Сасновіч (47-ы нумар рэйтынгу WTA) перамагла ў двух сэтах украінку Эліну Світоліну (1088) — 6:4, 7:5. Заўтра ў другім крузе Аляксандра Сасновіч будзе сапернічаць з чэшскай тэнісісткай Марыяй Баўзковай (24). Таксама заўтра Вікторыя Азаранка (16) у 1/32 фіналу згуляе з амерыканкай Алісіяй Паркс (54). У 2011 і 2012 гадах Азаранка дабіралася да фіналу, але абодва разы цярпела паражэнні.
Турнір на грунтавых кортах іспанскай сталіцы фінішуе 7 мая.
