Адзіны дзень бяспекі дарожнага руху пройдзе ў Беларусі 28 красавіка
Фота з архіва
27 красавіка, Мінск . Адзіны дзень бяспекі дарожнага руху пройдзе ў Беларусі 28 красавіка. Аб гэтым БЕЛТА паведамілі ў галоўным упраўленні ДАІ МУС.
У апошнюю пятніцу месяца Дзяржаўтаінспекцыя правядзе Адзіны дзень бяспекі дарожнага руху. У рамках рэспубліканскай акцыі па прафілактыцы ДТЗ з удзелам двухколавага транспарту ён пройдзе пад дэвізам «На вела, мота і мапедзе заедзем у лета без трагедый!». Вартавыя дарог наведаюць працоўныя калектывы і нагадаюць грамадзянам, якія перамяшчаюцца на веласіпедах, мотатранспарце і аўтамабілях, аб правілах бяспекі і адказнасці за грубыя парушэнні ПДР.
Акрамя таго, будуць арганізаваны прафілактычныя рэйды і адпрацоўка дарог. Супрацоўнікі ДАІ будуць выяўляць і адхіляць ад удзелу ў дарожным руху бяспраўнікаў, а таксама матацыклістаў з канструктыўнымі змяненнямі, якія не зарэгістраваны ва ўстаноўленым парадку.
